نكــــــــت بالدراجـــة المغربـيــــة

أنا اللي صيدتها
هدا واحد الدري قال لصاحبو: علمني كيفاش نتصاحب
قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين
الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها

الراجل والعفريت
هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة

نكت المدرسة
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ
يالله جيت
واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت
طلقات شعرها
وحدة طلقات شعرها وهو يهرب ليها

أحسنت هههههه